Gefum hjólreiðamönnum pláss á þjóðveginum um versló

Núna þegar stærsta ferðahelgi ársins er að koma er ekki alvitlaust að minna ökumenn á að vegirnir eru bæði fyrir bíla og reiðhjól og á þjóðveginum og öðrum ferðavegum er allt krökkt af ferðalöngum á reiðhjólum.

Þeir sem ferðast um landið á reiðhjóli þurfa að búa við ýmsar hættur eins og að vera úti í kanti þegar tveir bílar mætast við hliðin á þeim og getur það oft verið óþægileg lífsreynsla fyrir hjólreiðamann sem getur fipast og lent í slysi.

Sérstök hætta stafar af fólki með fellihýsi og hjólhýsi sem eru breiðari en bílinn sem ekið er því ökumenn átta sig oft ekki á breiddinni þegar þeir taka fram úr hjólreiðamanni. Einnig er hætta á því að ökumenn geri sér ekki grein fyrir lengd ökutækis og vagns og fari of snemma í námunda við hjólreiðamanninn sem heldur sig úti í kanti með aftanívagninn.

Það sem líka þarf að varast er hliðarvindur því stór ökutæki eins og flutningabílar, húsbílar og oft stærri jeppar taka hliðarvindinn af hjólreiðamanninum þegar þeir fara of nálægt fram úr honum og þá myndast augnablikslogn hjá hjólreiðamanninum sem getur lent í því að hendast ýmist útaf eða inná veginn þegar ökutækið er farið framhjá og vindurinn kemur í öllu sínu veldi aftur.

Ökumenn, sýnið því hjólreiðamönnum tillitssemi með því að mæta ekki bílum við hliðin á hjólreiðamanni, bíðið frekar fyrir aftan þar til pláss gefst til framúraksturs og munið að hjólreiðamaðurinn er jafn rétthár bílnum í umferðinni og hefur ekki aðra aðstöðu til sinna ferðalaga.

 

Fyrir Tour de France nörda

Þá er frábær umfjöllun um hverja dagleið fyrir sig að henni lokinni hjá danska ríkissjónvarpinu.

Þættirnir heita Aftentour 2011 og eru um 25 mín og alveg þess virði að horfa á.

Reyndar er einblínt svolítið mikið á Danska hjólreiðamenn en það gerir þetta ekkert verra.

Slóðina á þættina má sjá hér:
http://www.dr.dk/nu/player/#/aftentour-2011/13326

Cavendish fljótastur í dag

Hjólreiðar þá og nú

Þegar ég byrjaði að blogga á sínum tíma(og þá einungis um hjólreiðar) ... sem ég hef nánast tekið mér árs frí frá þá var ekkert fjallað um hjólreiðar í fjölmiðlum nema að hvort hjólreiðamenn í umferðaslysum væru með hjálm eða ekki.

Tour de France fékk dræma umfjöllun, íslenskar hjólreiðakeppnir féngu enga umfjöllun nema þá Tjarnarhringurinn og þá var það bara ef ekki væri neitt að gerast annarsstaðar í íþróttaheiminum og ef eitthvað var fjallað um var það hversu frekir hjólreiðamenn væru ef þeir voguðu sér útá götu.

Í dag er allt breytt. Tour de France fær daglega umfjöllun í öllum miðlum, hjólreiðamót fá einhverja umfjöllun, þó fær Einar Bárða meiri umfjöllun en mótið sjálft ef hann tekur þátt en samt í rétta átt og svo er alltaf verið að tala um fjölgun hjólreiðamanna.

Gísli Marteinn kvartar yfir svikum besta flokksinns sem á sama hátt og L listinn á Akureyri lofaði hjólreiðastígum útum allt en svíkja báðir. ( BF ætlaði að bæta við 10 km á ári af stígum og L listinn á Akureyri ætlaði að gera stíg frá Krossanesborgum útí Kjarnaskóg og nú þegar búið er að malbika götuna útí Kjarnaskóg á Akureyri er ekki vottur af vísi af stíg útí kjarnaskóg)

2 Fréttir í vikunni voru um milljón krónu hjól sem seljast eins og heitar lummur. Undanfarið ár hefur farið ágætlega fyrir umfjöllun um fjallahjólabrunsstíga í Skálafelli og lyftuna sem hægt er að fara upp með og að sama skapi hefur hjólastígurinn í Kjarnaskógi fengið umfjöllun.

Allir frægir eru duglegir að auglýsa að þeir hjóla og Eiríkur sjálfur er með fyrirsögn þar sem hann skrapp í bónus á hjólinu sínu í dag og birtir mynd af hjólinu sínu með bónuspokana.

Þetta er frábær þróun því þegar ég byrjaði að blogga um hjólreiðar var bloggið nokkuð nýtt á nálinni.... allavega rétt að verða "inn" og ég man þegar í morgunútvarpinu á rás2 einn daginn var verið að útskýra þetta hugtak blogg og hvað allir gætu tekið þátt að þá sagði viðmælandinn "það er meira að segja einn bloggari sem bloggar einungis um hjólreiðar" og svo hlógu þau bæði eins og þetta væri svo útópískt.

En í dag er þetta svo á réttri leið. Það hafa komið hjólreiðablöð í miðjum stærstu dagblaða, hjólreiðar fá síður í útivistarblöðum og ferðaþjónustur keppast við að bjóða hjólreiðaferðir.

Núna ætlar Fjármálaráðherra hugsanlega að auka álögur á bensín og því enn meiri ástæða til að huga að öðrum orkugjöfum og þá liggur náttúrulega við að við virkjum okkar eigin orku til samgangna og heilbrigðs lífsstíls.

En til að það geti gengið þarf að bæta aðstæður til hjólreiða á landinu og jafnvel að styrkja enn betur til frábærra verkefna eins og hjólafærni www.hjolafaerni.is og hugsa til lengri tíma og fara að mennta krakka í hjólreiðum unga og virkja réttan hugsunarhátt

Það er langtímasjónarmið

Leikmyndin hverfisgata

Miðað við framkvæmd og frágang á þessum stíg þá var hann aldrei hugsaður til lengri tíma.

En hann var flott sviðsmynd í kynningarmyndbandi borgarinnar fyrir Green Capital verðlaunin...

Spurning hvort hann hafi verið gerður sem slíkur.

Myndbandið og stíginn má sjá í þessu myndbandi:

http://reykjavik.is/Portaldata/1/Resources/umhverfissvid/gr_na_borgin/RVK_Green_MASTER_v2.wmv

Reyndar má  þessi stígur eiga það að hann fékk fram skemmtilegar skoðanir þeirra sem aldrei hjóla nema á sólríkum  sumardögum þar sem sagt var að "það mun enginn nota hann því hann er ekki sólarmegin í hverfisgötunni"  Og legg ég hér með til að engir stígar verði lengur lagðir á Íslandi fyrir hjólreiðafólk nema sólarmegin svo ég geti farið að hjóla allt árið í sól og blíðu.

Hjólastígurinn á Hverfisgötu hverfur

Metnaðarfullri Hjólreiðaáætlun D lista í Reykjavík frestað af meirihluta

Var að lesa bloggið hans Gísla Marteins áðan og rakst þar á ótrúlega skemmtilega hugmynd fyrir Reykjavíkinga og þá sem nota stígakerfið þar.

Hugmyndin fellst í því að útbúa rafrænt leiðakerfi fyrir hjólreiðamenn sem svipar til leiðarkerfis Strætó, þe. að maður geti skrifað hvaðan maður kemur og hvert maður ætlar að fara og vefsíða sýnir öruggustu og hentugustu leiðina.

Þetta er í fullkomið framhald af hjólreiðaáætlun sem samþykkt var í fyrravetur.

En nú er svo komið að umhverfisvæn og umhverfishvetjandi borgarstjórnarsamstarf Besta og Samfó ákvað að fresta þessu.

Vonandi að þetta sé ekki ein af sparnaðartillögum flokkanna að fresta þessu því allur hvati til hjólreiða er sparnaður við gatnaviðhald, umferðarslysakostnað, mengun og fleira.

Myndband frá opnunardegi Hjólamiðstöðvarinnar í Skálafelli

Ég lofaði í pistli mínum í gær um frábæra aðstöðu fyrir hjólreiðamenn í skíðabrekkunum í Skálafelli að setja inn myndir þaðan þegar ég rækist á þær á netinu. En sem fyrr klikkar ElvarO ekki og fór með videovél þarna uppeftir og klippti saman skemmtileg myndband sem sýnir svæðið í fullum gangi með hjólreiðamönnum og liftum í gangi og öllu. Mæli með því að fólk kíkji á þetta og sjái að þetta er nánast fyrir alla að prófa.

Svo eru strákarnir á bak við verkefnið búnir að skella inn nokkrum myndum á Facebook síðuna sína þar sem sjá má nokkra ofurhuga að leika sér í flottum stökkvum og fleira.

http://www.facebook.com/home.php?#!/album.php?aid=19771&id=104465589604583&ref=mf

Einstaklingsframtakið sannar gildi sitt.

Mér finnst alveg frábært að verið sé að auka við þjónustu við hjólreiðamenn á Íslandi með þessarri frábæru útfærslu á skálafelli.

Allt er þetta unnið með frumkvæði einstaklinga sem hafa áhuga á hjólreiðum og vonandi verður framhald á.

Undanfarin ár hefur samt aðstaða til hjólreiða verið að batna fyrir þá sem vilja fara útfyrir útivistarstíga borgarinnar. T.d. er að finna frábæra sérútbúna stíga fyrir hjólreiðamenn í Kjarnaskógi á Akureyri.

Einnig er frábær braut í Vífilstaðahlíðinni og svo er náttúrulega kjörið að skella sér niður úlfarsfellið eða fara í öskjuhlíðina.

En það sem skálafellsverkefnið færir hjólreiðamönnum er að geta farið með skíðalyftum upp og svo látið sig flakka niður í móti, sparar manni burðinn á hjólinu upp bröttustu brekkurnar og auðveldar manni að komast fleiri ferðir á dagsparti.

 Mynd úr brautinni í Kjarnaskógi

Til að sjá myndir frá fjallahjólamóti sem haldið var í Kjarnaskógi 2008

http://www3.hi.is/~aj/mynd/2008/akfjalla08/

Set tilvísun í myndir frá brautinni í Skálafelli og leið og ég finn einhverjar á netinu.

Hjólreiðagarður opnaður í Skálafelli

Opnun í Skálafelli á sunnudaginn

Sunnudaginn næsta opnar tímamótaþjónusta fyrir hjólreiðamenn í Skálafelli. Það er ekki flóknara en svo að 3 snillingar tóku sig saman og fengu styrk og leyfi til að gera 3 km. langa hjólabraut niður Skálafellið og maður þarf ekki að hafa mikið fyrir því að skemmta sér þarna því um helgar verður opið í skíðalyfturnar svo maður tekur bara hjólið sitt með í lyftuna og lætur sig flakka niðureftir.

Nú er þetta ekki svo að þetta sé einhver ofurhugabraut því allir sem eiga fjallahjól eiga að geta farið og látið sig renna niðureftir og hver velur hvað fast hann heldur í bremsuna.

En þetta er fyrsta svokallaða Bike Parkið á Íslandi því einnig verður þarna aðstaða fyrir BMX og svokallað Dirt-Jump.

Ég vil endilega hvetja alla hjólreiðamenn til að fara annaðhvort á sunnudaginn og prófa eða fara næstu helgar eftir það því við vitum öll að góð ásókn eykur við stuðning við svona verkefni og ekki væri leiðinlegt að sjá svona svæði á helstu skíðasvæðum landsins á næstu sumrum.

Ég ætla að taka það persónulega að mér fyrir hönd hjólreiðaiðkenda á Íslandi að þakka þeim drengjum Ormi Arnarsyni, Magne Kvam og David Robertson fyrir þetta frábæra frumkvæði og óska þeim góðs gengis með þetta snilldarverkefni.

Það er greinilega á hreinu að ég þarf að grípa hjól með mér þegar ég fer til Reykjavíkur eftir rúmlega viku. (eins gott að það séu seldir dagspassar í þessa braut ;)

En fyrir þá sem vilja lesa meira um þetta verkefni er hægt að finna frekari upplýsingar á vefslóðinni http://www.hjolandi.net/index.php?p=news&a=54

og svo eru þeir náttúrulega á Facebook og eiga svo skilið eitt gott LIKE http://www.facebook.com/pages/Skalafell-Bike-Park/104465589604583?ref=ts&v=wall

Og að lokum kort af brautinni sem er 350 metra lækkun á 3km braut.

Hjólameistarinn á Íslandi

Enn bætist við þjónustu við hjólreiðamenn á Íslandi. Þegar ég byrjaði að skrifa um hjólreiðar fyrir 3 árum rúmlega þá var lítið um umfjöllun þar sem hjólreiðar áttu í hlut. Einnig var þjónustuframboð takmarkað og fáir sem litu á hjólreiðar sem eitthvað annað en frístundaiðju með börnunum sínum.

Nú hefur orðið stórkostlega breyting þar á og bæði á Akureyri og í Reykjavík er búin að vera virkileg hjólreiðavakning og maður fer ekki um götur og stíga án þess að hitta á nokkra hjólreiðamenn eða jafnvel heilann helling.

Góð þróun þar.

En síðan þá hefur einnig orðið mikil þróun í þjónustu við hjólreiðafólk, og þá sérstaklega á höfuðborgarsvæðinu og fyrir ekki alllöngu opnaði hjólreiðaverkstæðið http://www.kriacycles.com/ og fara þar á ferð menn með mikla þekkingu og bjóða uppá nýja vídd í þjónustu við hjólreiðafólk.

Síðan var núna einn af þeim sem segja má að hafi verið í framvarðasveit íslenskra fjallahjólreiða að opna verkstæði í Kópavogi. Sá heitir Rúnar og var gjarnan nefndur Rúnar í Markinu en ætli maður verði ekki að fara að nefna hann hjólameistarann (bara spurningin hvort það eigi að láta nafnið hans fylgja ;)

En Rúnar þessi er líklega sá sem klifið hefur hvað flest fjöll með hjólið á bakinu af Íslendingum og látið sig flakka niður þau aftur og má lesa um svaðilfarir hans á www.mtb.is (sem er einmitt skammstöfun á mountain biking) Mæli eindregið með því að fara að kíkja á síðuna hjá honum. Og einnig ef ykkur vantar góða þjónustu frá manni sem hefur þekkinguna frá A - Ö þá er um að gera að kíkja á hann með hjólið sitt til hans að Nýbýlavegi 28 eða hafa samband við hann í 892-1411

 

Eðalvideo af hjólreiðum á Íslandi

Það er svo komið að Sjónvarið á Íslandi er farið að sýna frá hjólreiðaviðburðum og keppnum hérna á klakanum... Undanfarin ár hefur þetta verið nokkuð sniðgengin íþrótt þegar kemur að því að sýna eitthvað.

Það er nú samt þannig að það hjóla fleiri en spila golf, það hjóla fleiri en eiga hesta og það hjóla fleiri en eiga mótorhjól. Samt hefur þetta alltaf setið a hakanum og ekki verið sýnt. Það er líklega ein ástæða að það þarf ákveðna þekkingu og úrfærsluhæfileika til að sýna frá svona keppni, samt ekki svo ólíka en frá Rallý keppnum.

Við Íslendingar erum sem betur fer svo keppin að einkaframtakið er að skila þessu í sjónvarið og undanfarið hef ég verið að sjá í fréttum Ruv vel útfærðar og flottar fréttaskýringar frá mótum á Íslandi. Þetta eigum við allt einum manni að þakka sem hefur lagt sig í frammi við að útfæra margmiðlunarefni í þeim klassa að RUV er tilbúið að sýna það.

Sá heitir Elvar Örn og heldur úti myndasafni um bæði Rall og Hjólreiðar á YouTube sem enginn á  að láta fram hjá sér fara. slóðin er http://www.youtube.com/user/elvarorn76 (hægt er að smella á hlekkinn.

Áhugaverðir hlekkir fyrir hjólreiðamenn eru samt þessir:

Samklippt efni sem birtist á RUV um hjólreiðamót sem allir hjólfærir menn geta tekið þátt í á vegum Hjólreiðafélags Reykjavíkur www.hfr.is Heiðmerkuráskorunin

Og svo fyrir þá sem þora... Jaðarsport þar sem hægt er að horfa á 2 ofurhuga skella sér niður úlfarsfellið í keppni um betri tíma... Þetta er náttúrulega ekki í rauntíma milli þeirra en þeir fara sömu leið og myndin er ræst á sama tíma á þeim báðum.... MUST SEE eins og maðurinn orðaði það.

Svo ef þið farið á síðuna hans Elvars á youtube sem ég vísa í að ofan er fullt af fleiri og eldri flottum hjólaviðburðum...

 Meira svona Elvar...

Bláalónsþrautin - Seinasti netskráningardagur 300 komnir

Í fyrra sló Bláalónskeppnin í hjólreiðum sitt eigið met með því að 300 tóku þátt. Í dag er þvílík vakning því það eru komnir 296 og ennþá eftir bæði netskráningartíminn í dag og svo er hægt að skrá sig á keppnisstað. Þú sparar reyndar 1000 kall með  því að skrá þig í dag á netinu á www.hfr.is

Hvet alla til að skrá sig og taka þátt í skemmtilegasta hjólaviðburði ársins.

Stel svo textanum af heimasíðu Bláalónskeppninnar og set hann sér:

Hópurinn hjólar saman undir lögreglufylgd suður að kirkjugarðinum þar sem tímataka hefst.  Ræsing fyrir 40 km er við Djúpavatnsafleggjara á sama tíma.

Keppendur sem ekki setja númer framan á hjólin sín þannig að þau sjáist í endamarki geta búist við því að fá ekki tíma eða sæti í keppninni.

Skráning
Netskráning: Smella hér.
Keppnisgjald er 2500 kr. á mann í netskráningu.
Netskráning lýkur 11. júní. Eftir 11. júní verður einungis hægt að skrá sig á keppnisdag. Skráningargjald á keppnisdag er  3500 kr. á mann.

Bláa Lónið hf. býður öllum keppendum í lónið eftir keppnina (kr. 4600). Einnig er létt máltíð eftir keppnina innifalin í skráningagjaldi.

Flokkar
60 km karlar og konur: 16-18, 19-29, 30-39, 40-49, 50+
40 km karlar og konur: opinn flokkur.

Liðakeppni
Liðakeppnin er á  60 km leiðinni.
3-5 í liði, 3 bestu tímar gilda. Að a.m.k. 3 þurfa að klára keppni til að liðið fái tíma skráða.  
Öll lið eru leyfileg, allur aldur og bæði kyn, fjölskyldur, fyrirtæki o.s.frv.

Firmakeppni
Liðakeppnin er á  60 km leiðinni.
3-5 í liði, 3 bestu tímar gilda. Að a.m.k. 3 þurfa að klára keppni til að liðið fái tíma skráða.  
Hugmyndin er að fyrirtæki taki sig saman og keppi sem eitt lið.

Verðlaun
Verðlaun fyrir 1.-3. sæti í hverjum flokki á 60 km leið. Veitt eru 1.-3. verðlaun í opnum flokki karla og kvenna á 40 km leið.

Bláa Lónið kostar öll verðlaun.

 Verðlaunaafhending verður kl 15:00 við markið á bílastæði Bláa lónsins

Drykkjastöð
Tvær drykkjarstöðvar, önnur við gatnamót Djúpavatns- og Ísólfskálavegar. Síðari er við endamark.
Súpa og léttmeti handa öllum keppendum í keppnistjaldi á bílastæði að lokinni keppni.

Flutningar:
Töskur keppenda frá Strandgötu í Bláa lónið: Flutningabíll frá Vífilfelli mun flytja töskur keppenda frá Strandgötu í endamarkið við Bláa lónið

Hjólin: Vífilfell býður keppendum frían flutning á hjólum frá Bláa lóninu til baka í strandgötu. Flutningarbílar leggja af stað eftir verðlaunaafhendingu.
Keppendur: Áætlunarrúta á vegum Þingvallaleiða kl: 14:00, 16:00 og
18:00 á kostnað keppenda. Kynnisferðir fara einnig frá Bláa lóninu kl. 14:15 15:15, 16:15 og 17:15. Ath. Breytingar sem kunna að verða á áætlun, eru ekki á ábyrgð mótshaldara.

Ýmislegt
Keppnin er opin öllum 15 ára og eldri.
Hjálmaskylda er og eru keppendur á eigin ábyrgð í keppninni.
Vegurinn er opinn almennri umferð, keppendur eru beðnir að hjóla eftir umferðareglum.
Drykkjarstöð við Ísólfskálaveg er opin til kl. 12:30. Tímataka við markið hættir kl. 14:45.

Björgunarsveitin Þorbjörn í Grindavík sér um brautargæslu og endamark.

Bláa Lónið hf. býður öllum keppendum í lónið eftir keppnina.

Vífilfell býður keppendum upp á orkudrykki og flutning á hjólum til baka.

Húsasmiðjan kostar brautargæslu og veitingar í endamarki.

Hjólreiðar í kosningum á Akureyri - Sjálfstæðisflokkurinn

Þá er ég búin að lesa yfir stefnuskrá þriggja flokka á Akureyri og taka það úr sem snýr að almenningssamgöngum/hjólreiðum. Þriðji flokkurinn er Sjálfstæðisflokkurinn en í stefnuskrá hans má finna nokkur atriði, þeir eiga samt svolítið erfitt með að greina milli göngustíga og útivistarstíga í stefnuskránni: 

Draga úr hraðaakstri til að vernda gangandi og hjólandi vegfarendur.
Líst vel á þetta, enda engin ástæða til að hámarkshraði sé yfir 30 km í íbúðarhverfum. Reyndar hefði ég viljað sjá hvað þeim langar að gera á markvissari hátt. Persónulega vill ég sjá þrengingar á götum eins og Skarðshlíð og Skógarlundi sem eru báðar orðnar 30km götur en eru bæði breiðar og bjóða uppá hraðakstur. Góð leið til þrenginga er að merkja hluta götunnar fyrir hjólandi umferð eins og gert hefur verið í nokkrum götum í Reykjavík og komið vel út.

Ljúka við göngustíg og fegrun umhverfis við Glerá, frá brú til sjávar.
Svolítið misræmi að kalla þetta göngustíg og telja hann svo með sem hjólreiða- og göngustíg aðeins neðar í stefnuskránni. Það er reyndar málið með þennan stíg við Glerána að á köflum er allt of mikill halli á honum til að margir geti hjólað upp hann, en engu að síður einhver fallegast stígur bæjarins að fara um.

Að framkvæmdir við göngustíg meðfram Drottningarbraut hefjist strax á næsta ári.
Aftur er bara talað um göngustíg, hvoru megin vill t.d. sjálfstæðisflokkurinn hafa stíginn, vonandi sjávarmegin og af hverju er ekki hægt að setja markið aðeins hærra og fara með stíginn inn í kjarna eða alveg inn í Hrafnagil.

Vinna áfram að lagningu hjólreiða- og göngustíga innan bæjarlandsins en á
kjör tímabilinu bættust 10 kílómetrar við stígakerfið. Mikilvægt er að bæta tengingar
innan kerfisins þannig að úr verði ein heild frá Kjarnaskógi til Krossanesborga.
Þessi klassíska, vinna áfram að stígagerð...jájá.  Í Reykjavík fyrir seinustu kosningar voru loforð um ákveðna stíga lagðir fram og að mörgu leiti staðið við þá. Í Tíð sjálfstæðisflokksins á Akureyri var gerð ágætis hjólreiðaáætlun í samstarfi við verkfræðistofuna Mannvit sem átti að gera Akureyri að hjólreiðabæ, af hverju er flokkurinn ekki að fylgja því eftir í stefnuskrá sinni. Man meira að segja eftir viðtali við Sigrúnu þáverandi bæjarstjóra um þessa áætlun. Hvar er hún í dag ?
Svo ég vísi í frétt um málið þá skrifaði ég bloggfærslu um þetta 2008 http://vilberg.blog.is/blog/vilberg/entry/552134/

Hjólreiðar í kosningum á Akureyri - Framsókn

Eftir að hafa rúllað yfir hvar hjólreiðar má finna í stefnuskrá Bæjarlistans á Akureyri ákvað ég að renna yfir Framsókn.

Fann það sem tengst gæti hjólreiðum í stefnuskrá Framsóknarflokksins á Akureyri og setti athugasemdir mínar við það. http://www.framsokn.is/Kosningar_2010/Akureyri 

Undir Skipulagsmál má finna eftirfarandi

Vinna að frágangi strandlengjunnar frá miðbæ að flugvelli.
Ekki sérlega kjarnyrt stefna en vitanlega þarf að ráðast í þetta en ætlar Framsóknarflokkurinn að hafa útivistarstíg inní frágangi strandlengjunnar alla leið eða tengja hann við stígakerfið sem hefst hjá skautahöllinni ? Get ekki sagt að ég sé miklu nær eftir þennan lestur.

Vinna að heildarskipulagi útivistarsvæða í Eyjafirði í samvinnu við nágrannasveitarfélögin.
Þarna erum við að tala, að fá gott heildarskipulag og samvinnu. En engu að síður er ekkert talað um tengingu milli þeirra eða hvað átt er við þannig að ég myndi vilja heyra betur um þetta.

Undir samgöngumál má svo finna eftirfarandi:

Vinna áfram markvisst að uppbyggingu göngu- og hjólreiðastíga á Akureyri.
Það vantar eitthvað í þetta. þetta er of flatt fyrir mig. Mér finnst leiðinlegt að ekki sé hægt að setja eitthvað meira en bara að halda eigi áfram að gera eitthvað sem er ekki til fyrirmyndar nú þegar.

Svo í lokin undir flokknum Náttúruverndarmál má finna:

Gera stígakerfi útvistarsvæða hluta af göngu- og hjólreiðakerfi bæjarins og stuðla með því að umhverfisvænni ferðamáta. Bæta aðgengi að Glerárdal sem fólkvangi. 
Kominn tími til, það eru góð útivistarsvæði á Akureyri og í nágrenni sem þarf að tryggja að fólk geti hjólað með börnin sín á án þess að þurfa að vera með þau í rykmekki eða í hraðri umferð.

Leggja aukna áherslu á merkingar á örnefnum og göngu- hjóla- og reiðleiðum um bæjarlandið.
Þetta finnst mér standa uppúr hjá Framsókn, að fara að merka inn örnefni og gera leiðirnar meira aðlaðandi með því. Spurning hvort ekki hefði átt að fylgja með að gera kort af göngu og hjólaleiðum bæjarins í leiðinni. Það er nefnilega alveg fáránlegt að ekki sé hægt að nálgast, hvorki á vef bæjarins eða í prentuðu formi stígakort af Akureyri

 

Hjólreiðar í kosningum á Akureyri - Bæjarlistinn

 Í fyrstu úttekt minni á hversu viljugir flokkarnir á Akureyri eru til að bæta aðstöðu fyrir hjólreiðamenn á Akureyri tók ég mig til og las stefnuskrá Bæjarlistans -XA á Akureyri. Það var nú ekki mikið á því að græða en það voru þó sérstaklega 2 atriði sem stungu mig lítillega.

En undir hlutanum Umhverfismál á heimasíðu þeirra (www.baejarlistinn.is) má finna eftirfarandi texta og svo set ég glósurnar mínar inn í bláu.

Bæjarlistinn leggur ríka áherslu á lagningu göngu- og reiðhjólahjólastíga
Bæjarlistinn verður að átta sig á því að gangandi og hjólandi umferð á enga sérstaka samleið sérstaklega ef notast á við reiðhjól sem samgöngutæki. Reyndar er gatan alltaf til staðar fyrir þá sem vilja fara hraðar.

og að lagðir verði stígar fyrir línuskauta
Fatta ekki alveg hvað er verið að fara þarna. Er einhver sérstakur línuskautamaður í Bæjarlistanum sem vill fá sér stíg fyrir línuskautafólk en sameiginlegan stíg fyrir gangandi og hjólandi.

 og fleiri brautir fyrir gönguskíðafólk.
Hvar eiga þessar brautir fyrir gönguskóðafólk að liggja ? ekki er hægt að samnýta göngustíga, línuskautastíga, hjólastíga á veturna með gönguskíðabrautum. (Set þetta með þar sem gönguskíðabraut kom undir umhverfishluta stefnuskráarinnar og var settur í lið með öðrum möguleikum til samgangna)

Þannig stuðlum við að aukinni hreyfingu, minni bílanotkun og minni mengun. Jafnframt er komið til móts við ferðalanga sem sækjast eftir útivist og hreyfingu.
Göfug marmið en engu að síður engin markmið. Það er hægt að setja inn markviss verkefni í tengslum við bílaumferð en bara að skella stígum hér og þar fyrir aðra samgöngumáta.

Síðan í undir Skipulagsmál má finna eftirfarandi

Gönguleið sú sem á að liggja meðfram strandlengjunni inn að flugvelli og finnst nú einungis í gömlum skinnhandritum verði kláruð á kjörtímabilinu.
Þetta er verkefni sem tími er kominn á. Reyndar hefur þetta aðallega staðið á vegagerðinni sem á í raun veginn inn að flugvellinum og því er um samstarfsverkefni bæjarins og vegagerðarinnar að ræða í þessu tilfelli.
En af hverju er samt ekki hægt að setja markmiðið hærra og útbúa tildæmis stíg alla leið uppí kjarna eftir þessarri leið og útbúa þar með góðann hring fyrir fólk að þvælast á nokkuð öruggri leið og svo fyrst við erum byrjuð í samstarfsverkefnum þá á náttúrulega að fara með þennan stíg alveg inn í Hrafnagil og stækka þjónustusvæði beggja sveitafélaganna með þessarri tengingu og búa þar til áhugaverðan kost jafnt fyrir Eyfirðinga sem ferðamenn.

 

Hvað vilt þú að frambjóðendur geri fyrir hjólreiðar

Endilega sendið inn ef þið hafið skoðun hvað frambjóðendur eiga að leggja fram í kostningarbaráttu sinni varðandi hjólreiðar..... Það vantar herfilega hjá öllum nema Gísla Martein og Dorfa einhverja hjólreiðastefnu en hvað viljum við að frambjóðendur vilji gera fyrir okkur í Reykjavík ?

Endilega sendið inn comment... Það er jú hjólað í vinnuna og allir eru að pirra sig yfir einhverju eins og götuljósum, skort á samgönguæðum, samlífi með gangandi fólki, samlífi með bílum og svo framvegis... .endilega koma með eitthvað....

Reiðhjólaþjófur gripinn !!! og hvað svo

Undanfarna pistla hef ég aðeins komið inn á reiðhjólaþjófnað, farið yfir hvernig passa skuli uppá hjólin sín og að lítið sé viðhafst þegar reiðhjóli sé stolið.

Þessvegna fannst mér gaman að sjá í morgun frétt á RUV.is um að kona hefði verið tekin með 2 reiðhjól sem hún hafði stolið.

Þetta eru ekki fyrstu reiðhjólaþjófnaðir sumarsins. Það virðist vera í tísku að ræna Cannondale hjólum og ég hef rekist á allavega 2 greinar þar sem Cannondale Bad Boy hjólum, sem eflaust eru verðmetin á vel í kringum hálfa milljón hvort á Íslandi ef flutt inn í dag og keypt ný.

Það sem stakk mig aðeins í greininni á RUV var samt að það klárlega vantaði að taka fram hvar manneskjan var tekin með hjólin og hvernig hjól þetta væru.

Ef þetta hefði verið snjósleði eða mótorkrossari hefði tegund verið gefin upp og óskað eftir eigandanum. Jafnvel þó þetta væri einskis virði snjósleði eða mótorkrossari.

Núna er það fjölmiðla að opinbera umræðuna um reiðhjólaþjófnaði og krefja lögregluna um meiri upplýsingar því þetta er að kosta samfélagið og tryggingarfélögin tugi milljóna á ári.

 

Hjólhesturinn á netinu

Hjólhestur fjallahjólaklúbbsins er kominn á fullum lit og stórglæsilegt á netið.

Las þetta áðan og þetta er flottasta eintak af þessu eðalblaði sem ég hef séð og mæli eindregið með því að allir hjólaáhugamenn lesi það, það er gert með því að smella  HÉR

Efnistök blaðsins eru fjölbreitt og skemmtileg, umfjöllun um ferðalönd innanlands sem utan á reiðhjólum og fullt af efni um aðstöðu til hjólreiða á Íslandi. Skyldilesning!!!

Að setja sér markmið í sumar

Það er frekar stutt síðan ég tók þá ákvöðun að ég þyrfti að koma mér í almennilegt form aftur í sumar, búin að vera í hjólabanni síðan ég fór í uppskurð fyrir um ári síðan á öxl og hef bara rétt mátt dútla mér á hjóli.

Til þess að þetta myndi ganga setti ég mér það markmið að ég ætla að hjóla frá Akureyri til Reykjavíkur yfir kjöl um miðjan júní. Í þeim tilgangi þarf ég að koma mér í form og stunda æfingar þangað til. Og ég er byrjaður og það er frábært.

Markmiðin þurfa ekki endilega að vera svona stór en maður þarf að eiga markmið.

Þessvegna fannst mér frábært að lesa pistilinn hennar Karenar Axels þríþrautamanneskju um markmið sem hún birti í gær og langar að benda ykkur á hann því hann er algjör  skyldulesning.

Pistilinn hennar má sjá á forsíðu mbl.is neðarlega eða með því að fylgja þessari slóð http://www.mbl.is/mm/folk/serefni/pistlar/karen/entry.html?entry_id=1048783

Gleðilegt hjólreiðasumar 

Enginn dæmdur fyrir hjólreiðaþjófnað á þessarri öld

Ég hafði samband við vin minn sem er lögfræðingur eftir pælingar mínar um hjólreiðaþjófnaði, þ.e. að hugsanlega séu 5%  hegningabrota hjólreiðaþjófnaður.

Hann sendi mér til baka nokkra lista úr dómasöfnum og fleiru og niðurstaðan var sú að 41 dómur á þessari öld inniheldur orðið Reiðhjól, og ef það kom fyrir var það ekki þjófnaður á því heldur var hjólið notað ýmist sem "getaway car" eða sem samgöngutæki þjófsins og svo hafði einhver óheppinn hjólað fullur og fékk að líða fyrir það.

Í þeim dóm kom fram að hann hafði stolið hjólinu en var dæmdur fyrir að hjóla fullur... Algjör snilld

Þannig að til hvers að kaupa hjól í dag... Maður tekur bara það næsta og viðkomandi fær það úr tryggingum og allir sáttir.

Ég vill sjá tryggingafélögin vera með átak um þetta í sumar og leiðbeinandi örþættir um þetta í sjónvarpinu.

Meira um fjallabrun og nú á MBL.is

Frábært að sjá hvað hjólreiðar eru að fá mikla umfjöllun í fjölmiðlum þessa dagana.

Nokkrar blaðsíður í Fréttablaðinu um daginn svo er reglulega í mogganum.

Vil samt hvetja sjónvarpsstöðvarnar til að mæta á næsta fjallabrunsmót þar sem það er lang sjónvarpsvænasta hjólasportið. Svo er náttúrulega fyrir æsta fjölmiðla hægt að sjá keppnisskrá hjólreiða í sumar í þessu pdf skjali

http://hjolanefnd.isi.is/Forsida_files/hjola2010.pdf

Fjallabrun í Öskjuhlíð